ДУШАНБЕ, 22 фев — Sputnik.Дар вақти сафар ба Тоҷикистон Владимир Путин- президенти Русия ба раисҷумҳури Тоҷикистон Эмомалӣ Раҳмон ордени ба номи Александр Невскиро тақдим мекунад, гуфт ёрдамчии президенти ФР Юрий Ушаков.
"Путин ба Эмомалӣ Раҳмон барои хизматҳои шоёнаш дар таҳкими муносибатҳои Тоҷикистон ва Русия ва ҳамкориҳои стратегӣ байни ду кишвар ордени ба номи Александр Невский тақдим мекунад",- гуфт вай.
Интизор меравад, ки дар рафти гуфтушунид бо Эмомалӣ Раҳмон яке аз мавзӯъҳои асосӣ пойгоҳи 201-уми низомии ФР мешавад.
Ҳамин тавр, баъд аз сафари президенти Русия ба Тоҷикистон интизор меравад, ки ҳафт ҳуҷҷат ва созишномаи байниҳукуматӣ ба имзо расад.
