ДУШАНБЕ, 6 фев — Sputnik.Хадамоти матбуоти Вазорати корҳои дохилии Тоҷикистон аз маълум шудани ҷинояти дуздӣ дар шаҳри Душанбе хабар медиҳад.
Ҳамин тавр, марди 25-солаи ноҳияи Восеъ ба ШКД муроҷиат намудааст, ки шахси номаълум қулфи мағозаашро шикаста, даст ба дуздӣ задааст.
Гумонбаршаванда аз мағозаи хӯрокворӣ воқеъ дар ноҳияи Исмоили Сомонии шаҳри Душанбе маблағи соҳибкорро — 3 ҳазору 700 сомонӣ ва як адад ноутбуки тамғаи "HP" дуздида, аз ҷойи ҳодиса ғайб задааст.
Тибқи ахбори хадамоти матбуот дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҳамчун гумонбар дар содир намудани ҷинояти дуздии мазкур ҷавони 19-солаи сокини ноҳияи Данғара дастгир карда шуд.
Аз рӯи ин ҳодиса парвандаи ҷиноятӣ оғоз гардида, тафтишот идома дорад.
