ДУШАНБЕ, 26 янв — Sputnik. Гунн Нартен аз Норвегия дар саҳифаи Instagram чун зани зеботарини оташхомӯшкун дар дунё дониста шуд, менависад РИА Новости бо такя ба The Daily Mail.
Нартени 30-сола дар баробари кор дар хадамоти оташнишонӣ ба машқи бадан низ машғул мешавад. Ӯ қайд кардааст, ки касби оташхомӯшкуниро ҳанӯз дар синни 19-солагӣ интихоб кардааст, чун кор дар гурӯҳ ва зиндагии фаъолро дӯст медорад.
"Вақте ман дар хадамоти сӯхторхомӯшкунӣ ба кор шурӯъ кардам, модарам бо ҳайрат гуфт, барои чӣ? Ман ҷавоб додам: "Чаро не?",-қайд мекунад зани оташнишон.
Мардум аз касби интихобкардаи ӯ ҳайратзада мешаванд.
"Ба фикри ман оташхомӯшкун будан ин кори оддӣ аст. Рафиқонам мегӯянд, ки ман "шӯхиҳои мардона" дорам ва фикр мекунанд, ки ман аз дигар духтарон дида чақонтарам",-нақл кард Нартен.
Ба саҳифаи Instagram-и Нартен 50 ҳазор нафар обуна шудаанд.
