ДУШАНБЕ, 28 дек — Sputnik."Кай ин сол ба охир мерасида бошад, фиҷиа паси фоҷиа",- мегуфт зани солхӯрдае, гӯё, ки ба Худо муроҷиат карда истода бошад. Зан ба хотири гиромидошти хотираи қурбониёни ҳавопаймои Русия ба сафоратхона омадааст.
Гуфтаҳои ин зан ҷон дорад. Зеро ба наздикӣ Sputnik Тоҷикистон ба дар бораи китоби хотиравие навишта буд, ки дар сафорати Русия ба хотири арҷгузорӣ ба сафири ҳалокшудаи ФР дар Туркия Андрей Карлов кушода шуда буд.
Чанд муддат нагузашта фоҷиаи дигар рух дод, ки он на танҳо сокинони Русияро ғамгин намудааст. Дар Баҳри Сиёҳ ҳавопаймои Ту-154 суқут кард, ки бо он мусиқичиёни ансамбли Александров, ходими ҷамъиятӣ Елизавета Глинка ва деректори Шӯъбаи фарҳанги Вазорати мудофиаи ФР Антон Губанков парвоз мекарданд.
Дар ин фоҷиа 92 нафар ҷони худро аз даст доданд.
"Дӯстони русиягии мо, ба ҳеҷ чиз нигоҳ накарда, мо ҳамеша бо Шумо ҳастем ва мемонем, фоҷиаи Шумо-фоҷиаи мост",- гуфтанд ду навҷавон ҳангоми сӯҳбат бо хабарнигори Sputnik Тоҷикистон.
