ДУШАНБЕ, 13 дек — Sputnik.Муовини сарвазир Адҳам Икромов ба вазифаи вазири Вазорати тандурустии Ӯзбакистон таъин гардид, хабар медиҳад Sputnik Ӯзбакистон ба истинод ба UZ24.
Ин вазифаро Анвар Алимов аз соли 2012 инҷониб ба ӯҳда дошт.
Лазиз Тӯйчиев, собиқ ҷонишини Алимов ректори Академияи тиббии Тошканд таъин гардид.
Пештар президенти Ӯзбакистон Шавкат Мирзиёев изҳор дошта буд, ки Ӯзбакистон ба тағийроти кадрӣ ниёз дорад. Ҳамин тавр ба наздикӣ Консепсияи ислоҳоти маъмурӣ барои солҳои 2017-2021 қабул мешавад, ки барои беҳтар гардонидани идоракунии давлатӣ равона карда шудаст.
"Мо ба такмил додани фаъолияти дастгоҳи иҷроияи президент ва дастгоҳи иҷроияи кабинаи вазирон, таъмини амалишавии қонун, қарор ва фармонҳо аҳамияти махсус зоҳир мекунем",- қайд кард раисҷумҳури Ӯзбакистон.
