ДУШАНБЕ, 12 дек — Sputnik.Хадамоти матбуоти президенти Тоҷикистон хабар медиҳад, ки имрӯз Эмомалӣ Раҳмон ба президенти Туркия Реҷеп Тайеп Эрдоган барқияи тасаллият ирсол намуд.
Дар робита ба ҳалокати даҳҳо шаҳрвандони Ҷумҳурии Туркия ва ҷароҳати вазнин бардоштани теъдоди зиёди онҳо бар асари таркишҳои фоҷеабор дар назди варзишгоҳи шаҳри Истамбул тассалияти инҷонибро ба мардуми дӯсти Туркия ирсол медорам, омадааст дар мактуби президент.
Эмомалӣ Раҳмлон иброз доштааст, ки ин гуна амалҳои террористиро ҷониби Тоҷикистон маҳкум месозад ва зарур мешуморад, ки бо он пайваста мубориза бурд.
Раисҷумҳури Тоҷикистон ба наздикони фавтидагон ҳамдардӣ баён намуда, ба осебдидагони фоҷиа шифои комил таманно намудааст.
