ДУШАНБЕ, 1 дек — Sputnik. Дар қисмати шимолии Афғонистон заминларзаи 4,5 баллӣ ба қайд гирирфта шуд.
Ларзиши замин дар минтақаи системаи кӯҳии Ҳиндукуш ба қайд гирифта шуд. Маркази заминҷунбӣ дар умқи 225 километрӣ ҷойгир шудааст, хабар медиҳад маркази зилзиласанҷии Аврупо.
Маркази заминларза дар масофаи 33 километрии ноҳияи Ишкошими ВМКБ ва 27 километрии Ишкошими Афғонистон ҷойгир шудааст.
Ин ҳодисаи аввалини ларзиши замин дар кишварҳои Осиёи Марказӣ набуда, чанде қабл дар сарҳади Тоҷикистон ва Қирғизистон заминҷунбӣ бо қувваи 6,9 бал ба қайд гирифта шуд. Заминларза такроран бо қувваи 5 бал дар сарҳади Чин, Тоҷикистон ва Қирғизистон ба амал омад буд.
