ДУШАНБЕ, 1 дек — Sputnik. Ба рӯйхати мероси фарҳангии ҷаҳонии ЮНЕСКО якбора 11 номгӯи нав аз ҷумла тарзи омода намудани нонҳои гуногуни миллӣ ва ҷашни Наврӯз илова карда шуданд.
Ҳамин тавр дар ҷаласаи Кумитаи ЮНЕСКО оид ба ҳифзи фарҳанги ҷаҳонӣ, ки дар Эфиопия аз 30-юми ноябр то санаи 2-юми декабри соли равон баргузор мешавад, аризаи гурӯҳии кишварҳои манотиқи Шарқ ва Осиё оиди дохил намудани ҷашни Наврӯз ба мероси фарҳангии ҷаҳонӣ қабул карда шуд.
Дар баробари нон ва иди Наврӯз ба рӯйхати мероси фарҳангии ҷаҳонӣ оби ҷави белгӣ, нони катирма, жупкаи қирғизӣ, юфкаи туркӣ низ дохил шудаанд, омадааст дар торномаи ташкилот.
Манбаъ меафзояд, ки дар ҷаласаи Кумита дар Эфиопия ҳамчунин дархости Тоҷикистону Узбакистон ҷиҳати ба рӯйхати мероси ғайримоддии фарҳангии ЮНЕСКО дохил гардидани "оши палав" низ баррасӣ мешавад.
