Театри Бӯстон “Гулранг ва Ҳушранги”-и Мирсаид Миршакарро дар Душанбе намоиш медиҳад

Обуна шудан
“Гулранг ва Ҳушранг” аз рӯи асари Мирсаид Миршакар, ки тарзи муосири афсонаи “Бузаки ҷингилапо” мебошад, барои кӯдакони хурдсол намоши дода мешавад

ДУШАНБЕ, 15 ноя — Sputnik. Театри давлатии шаҳри Бӯстони вилояти Суғд барои тамошобинони хурдсол ва навраси шаҳри Душанбе ду намоиши худро тӯҳфа овардааст, хабар медиҳад хадамоти матбуоти вазорати фарҳанги ҶТ.

Моҳпайкар Ёрова. Акс аз бойгонӣ - Sputnik Тоҷикистон
Моҳпайкар Ёрова: ҳунари ман даҳ сол зери парда нуҳуфта буд

Намоиши "Духтари ҷасур" аз рӯи асари Шамсӣ Қиёмов дар асоси афсонаи халқи тоҷик барои мактаббачагон пешбинӣ шуда, намоиши "Гулранг ва Ҳушранг" аз рӯи асари Мирсаид Миршакар, ки тарзи муосири афсонаи "Бузаки ҷингилапо" мебошад, барои кӯдакони хурдсол пешбинӣ шудааст.

Аҳли ҳунари театр намоишро дар толорҳои мактаб ва кӯдакистонҳои шаҳр манзури тамошобинон мегардонанд. 

Инчунин сафари ҳунарии  театри номбурда бо намоиши "Ҳар ки китобхон шавад, оқилу доно шавад" дар шаҳру навоҳии вилояти Суғд идома дорад. Намоиш аз рӯи асари директори Театри давлатии лӯхтаки шаҳри Бӯстон Абдувалӣ Мақсудов таҳия гардида, хонандагони хурдсолро ба китобхонӣ ташвиқу тарғиб менамояд.

Лентаи хабарҳо
0