ДУШАНБЕ, 9 ноя — Sputnik. Дастгоҳи омбудсмен бо пешниҳоди ҷудо намудани маблағ барои депорти муҳоҷирон аз қаламрави Федератсияи Русия ба ҳукумати ФР муроҷиат кард, изҳор дошт ваколатдор оиди ҳуқуқи инсон дар Русия Татяна Москалкова.
"Бо ибтироки ваколатдорони ҳуқуқи инсон, ки ин масъаларо бардоштанд, мо ба ҳукумати ФР оиди ҷудо намудани маблағ барои депорти муҳоҷирон ва бастани шартнома бо дигар кишварҳо муроҷиатнома навиштем",-гуфт Москалкова.
Дар баробари ин омбудсмен қайд кард, ки шумораи муроҷиатномаҳо оиди масъалаҳои муҳоҷират дар муқоиса бо ҳамин давраи соли гузашта 10% зиёд шудааст.
"Чунин вазъият барои муҳоҷироне, ки бояд аз кишвар берун карда шаванд мушкил аст",-қайд кард ӯ.
Мувофиқи маълумоти Хадамоти муҳоҷирати меҳнатӣ то охири соли 2015 дар Русия зиёда аз 10 миллион шаҳрвандони хориҷӣ аз ҷумла-8,7 миллион аз кишварҳои ИДМ, наздики 1,5 миллион муҳоҷирон дар Русия дар давоми ним сол ғайриқонунӣ кор карда, зиёда аз 800 ҳазори онҳо дар давоми сол бидуни ҳуҷҷатҳои лозима дар қаламрави кишвар буду бош кардааст.
