ДУШАНБЕ, 31 окт — Sputnik. Маросими видоъ бо ҳунарманди Русия Владимир Зелдин санаи 3-уми ноябр дар Театри академии ҳарбии Русия баргузор мешавад, хабар доданд ба РИА Новости аз театр.
Ҳунарманди халқии Иттиҳоди Шӯравӣ рӯзи душанбе дар синни 102-солагӣ дар Маскав вафот кард.
"Маросими видоъ дар саҳнаи Театри ҳарбии Русия санаи 3-уми ноябр, соати 11:00 баргузор мегардад. Маросими бахоксупорӣ бошад, дар қабристони Новодевичи соати 14:00 гузаронида мешавад",- хабар медиҳад муовини директори театр Елена Анисимова.
Пештар хабар дода шуд, ки ҳунарманд дар ҳоли вазнин дар яке беморхонаҳои пойтахти Русия бистарӣ гардидааст. Ҳамсари вай хабар дода буд, ки аллакай се ҳафта ҳунарманд дар беморхонаи ҳарбӣ табобат мегирифт.
