ДУШАНБЕ, 14 окт — Sputnik.Сокини 28-солаи ноҳияи Шаҳритус бо падари хеш муноқиша намуда, ба вай шаш маротиба корд задааст, хабар медиҳад хадамоти матбуоти ВКД ҶТ.
"Санаи 09.10.с.2016, тахминан соати 19:30-дақиқа сокини ноҳияи Шаҳритус дар хонаи истиқоматиашон аз сабаби муноқишаи ба миён омада, бо падарандари 53-солааш ҷангу ҷанҷол намуда, бо корди дар дасташ буда, 6-маротиба ба узвҳои бадани охирон задааст"- менависад манбаъ.
Дар натиҷа марди ҷабрдида ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Зимни гузаронидани чорабиниҳои оперативӣ-ҷустуҷӯӣ ҷавони мазкур ҳамчун гумонбар дар ҷинояти куштор рӯзи 13-уми октябр аз ҷониби кормандони милитсия дастгир карда шуд.
Аз рӯи ин ҳодиса парвандаи ҷиноятӣ оғоз гардида, тафтишот идома дорад, омадааст дар хабар.
