ДУШАНБЕ, 29 сен — Sputnik. Азамат Тавитов донишҷӯи бахши дуюми магистратураи донишгоҳи "МИСиС"-и Русия пойафзолҳои нави варзиширо бо "шамолдиҳак" ба ҷаҳониён муаррифӣ кард, хабар медиҳад РИА Новости.
Дастгоҳ бо истифода аз технологияҳои иловагии 3D-чопкунак омода шуда, аз батария, алоқаи Bluetooth ва идоракунии электронӣ иборат аст.
Мувофиқи технологияи истифодабарии крассовкаҳои нав имкон аст, ки бо истифода аз смартфон, ҳарорати даркорӣ дар дохили пойафзол фармоиш дода шавад.
"Ин ақида аз зарурати оддии салқин будани пой дар рӯзҳои гарми фасли тобистон пайдо шуд. Мақсад аз таҳияи лоиҳаи мазкур идора кардани ҳарорати дохили пойафзол (ё дигар намуди либос) новобаста аз ҳарорати ҳавои беруна мебошад",-мегӯяд кошифи ҷавон.
Дар идомаи сӯҳбат Азамат қайд кард, ки "албатта ин кашфиёти наонқадар муҳим аст, чунки таҷрибаҳои ба ин монанд аллакай дар дигар мамлакатҳо, аз ҷумла дар Ҷопон гузаронида шуда буд, вале аз нигоҳи технологияи муҳандисӣ ин кашфиёт шавқовар аст",-гуфт Азамат Тавитов.
Мувофиқи технологияи истифодабарии крассовкаҳои нав имкон аст, ки бо истифода аз смартфон, ҳарорати даркорӣ дар дохили пойафзол фармоиш дода шавад.
