ДУШАНБЕ, 16 сен — Sputnik. Шурӯъ аз моҳи январ то август ҳукумати Тоҷикистон 30 млн. доллар кӯмаки иҷтимоӣ гирифтааст, хабар медиҳад Оҷонсии омори Ҷумҳурии Тоҷикистон.
Қайд карда мешавад, ки танҳо дар моҳи август Тоҷикистон 3,6 млн. доллар кӯмаки иҷтимоӣ гирифтааст.
Кӯмаки иҷтимоӣ ба кишвар аз тарафи 51 давлати дунё расидааст, ки вазни умумии маводҳои равонкардашуда 13,6 тонннаро ташкил медиҳад.
Қисми зиёди кӯмакҳои иҷтимоӣ аз тарафи ҳукумати Чин(26%) расидааст. Соли гузашта бошад, Олмон пешсаф буд.
Дар ҷойи дуввум Русия- 18,7%, саввум Ҳиндустон- 8,5% меистанд. Пасон Сербия-5,5%, Швейтсария- 5,2%, Белгия- 4,9%, Туркия- 3,5% ва Қазоқистон- 3,2% мебошанд.
Ғайр аз ин Ҷумҳурии Тоҷикистонро Олмон (3,1%), Дания (3%), Кореяи Ҷанубӣ(2,3%), ИМА (1,5%), Нидерландия (1,4%), Озарбойҷон(1,3%), Фаронса(1,2%), Таиланд (1,1%), Эрон (0,9%) ва дигарон дастгирӣ кардаанд.
Дар муқоиса бо нишондодҳои соли гузашта ҳаҷми кӯмаки ба Тоқикистон расида ба миқдори 7,3 млн. доллар зиёд гардидааст, шумораи кишварҳои кӯмакрасон бошад то 17 адад зиёд шудааст.
