ДУШАНБЕ, 15 сен — Sputnik. Мунтахаби Тоҷикистон оид ба футбол дар рейтинги нави Фифа, ки дар торномаи расмии ташкилот нашр шудааст, мавқеи қаблии худро ҳифз кардааст.
Ин моҳ футболбозони тоҷик на имтиёзе зиёд ва на кам накарда, дар мақоми моҳи гузашта дар ҷои 144-уми раддабандии Фифаро қарор доранд. Тими миллӣ бо ба даст овардани 215 имтиёз миёни Ливан ва Люксембург ҷой гирифтааст.
Тимҳои футболи дигар кишварҳои Осиёи Марказӣ нисбатан дар мақомҳои болотар ҷойгиранд. Ҳамин тавр Узбакистон дар давоми як моҳ бо зам кардани 6 имтиёз ба мақоми 49-ум баромад. Мунтахаби Қазоқистон 13 холи иловагӣ гирифта дар мақоми 83-юм қарор гирифт.
Варзишгарони Қирғизистон баръакс се холи дигарро аз даст дода дар ҷои 108-ум қарор гирифтанд. Бозигарони Туркманистон бошанд ба имтиёзҳои худ се холи иловагӣ зам карда мақоми 116-умро аз худ карданд.
Футболбозони Русия низ чун мунтахаби Тоҷикистон натавонистанд имтиёзҳои иловагӣ бириганд ва дар мақоми 38-умро ҳифз карданд.
Моҳи гузашта бозигарони тоҷик тавонистанд аз мақоми 145-ум ба ҷои 144-ум бароянд.
