ДУШАНБЕ, 17 авг — Sputnik. Умеди охирони мунтахаби Тоҷикистон, гурзандоз Дилшод Назаров имрӯз дар мусобиқа дар шаҳри Рио-де-Женейро баромад намуд.
Дилшод Назаров тавонист, ки дар мусобиқаи имрӯза ҷои сеюмро гирад: вай тавонист, ки болғаро ба масофаи 76,38 метр партояд.
Ҳамин тавр, варзишгари сабуки тоҷик ба давраи ниҳоӣ роҳ гирифт, ки санаи 20-уми август баргузор мегардад.
Ҷои якумро варзишгари лаҳистонӣ гирифт, ки ӯ Назаровро дар 1,25 метр пешдастӣ намуд.
Бори чорум аст, ки Назаров дар бозиҳои Олимпӣ иштирок мекунад. Назаров охирон намояндаи варзиши тоҷик аст, ки имсол дар Олимпиада ширкат варзидаанд. Аз ин пештар 6 нафар варзишгар бозиро тарк намуда буданд.
