Хотиррасон мекунем, ки давраи якуми мусобиқа санаи 6-уми август Анвар Юнусов ба муштзани чинӣ бар ҳисоби 3:0 ғолиб омада буд. Дар бозии дуввуми худ бо муштзани бразилӣ Робсон Консейкао бо ҳисоби 30:27 мағлуб гардид.
Бозиҳои олимпии Рио-2016 дар фаъолияти варзишии Анвар Юнусов сеюмин мебошанд. Дар Олимпиадаи Пекин соли 2008-ум ӯ ҷойи 5-умро гирифта буд. Дар Бозиҳои тобистонаи Лондон бошад бо ҳисоби 1/8 шикаст хӯрда буд.
Бозии аввалини худро дар Олимпиада дар Рио-де-Женейро муштзани тоҷик бо варзишгари чинӣ Ҷун Шан гузаронид.
Маълум буд, ки ин вохӯрӣ барои ин ду муштзан аввалин нест. Дар ин сол ин ду варзишгар ду бор ба задухӯрд баромада буданд: дар мусобиқаи иҷозатномавӣ дар Чин, ки дар он ҷо муштзани чинӣ ғолиб омада буд ва дуввум маротиба – дар мусобиқаи байнамлиллалӣ барои дарёфти иҷозатномаи иштирок дар олимпиада, ки дар он Анвар Юнусов ғолиб омад.
Мубориза барои ҳардуяшон ҳам мушкил буд.
Аммо ин дафъа бартарият дар варзишгари тоҷик дида мешуд.
Рақобат бо муштзани чинӣ бо ғолибияти Анвар Юнусов бо ҳисоби 3:0 анҷом ёфт.
Рақобати дуввуми варзишгари тоҷик бо муштзани бразилӣ Рибсон Консейко санаи 9-уми август баргузор гардид.
Анвар Юнусов аз ҳуҷумҳои ҳарифаш моҳирона дур мешавад ва оқилона ҷавоб медиҳад.
Пас аз даври аввал Анвар Юнусов аз сабаби шадид шудани дарди дасти пеш аз ин захмишуда, натавонист муҳорибаро давом диҳад. Ғолибият насиби варзишгари бразилӣ гардид.
Барои Анвар Юнусови 29 сола бозиҳо дар Бразиля сеюмин Олимпиада дар фаъолияти варзишиаш мебошанд. Дар Олимпиада дар Пекин соли 2008 вай ҷойи 5-умро гирифт, дар Бозиҳои Лондон бошад соли 2012 бар ҳисоби 1/8 шикаст хӯрд.
