ДУШАНБЕ, 10 авг — Sputnik. Дар доираи баргузории озмунҳо, чорабиниҳо ва мусобиқаҳо бахшида ба 25-умин солгарди истиқлолияти Тоҷикистон дар Варзишгоҳи марказии ҷумҳуриявӣ чорабинии варзишӣ баргузор гардид, омадааст дар хабарномаи Кумитаи ҷавонон, варзиш ва сайёҳии ҶТ.
"Рӯзи варзишгарон" ҳамасола санаи 10-уми август тибқи қонуни ҶТ "Дар бораи рӯзҳои ид" таҷлил карда мешавад.
"Варзиш дар баробари ташвиқу таблиғи тарзи ҳаёти солим, инчунин яке аз воситаҳои беҳтарини таҳкими дӯстии миёни инсонҳо ва кишварҳои ҷаҳон аст. Ҳамзамон варзиш омили муҳими ҷаҳоншиносии инсон ба ҳамдигар муаррифӣ ва наздик гардидани халқу миллатҳо ва кишварҳои мухталифи ҷаҳон мебошад",-омадааст дар хабарнома.
Чорабиниҳои варзишӣ бахшида ба "Рӯзи варзишгарон" аз ҷониби Кумитаи ҷавонон, варзиш ва сайёҳии ҶТ дар якҷоягӣ бо Федератсияи футболт кишвар ташкил карда шуданд.
Қаблан хабар дода шуд, ки собиқ омӯзгори деҳаи ба номи Миралӣ Маҳмадилиев тасмим гирифтааст, ки ба ҳамватанони худ бахшида ба 25-умин солгарди истиқлолияти ҶТ китобхона тӯҳфа намояд. Фонди умумии китобхона 2170 китобро ташкил дода аз он 670-тоашон ба забони тоҷикӣ мебошанд.
