ДУШАНБЕ, 28 июн — Sputnik. Дар соли равон танҳо чор шаҳрванди Тоҷикистон хостори кӯчидан ба Карелия шудаанд. Соли гузашта бошад ин нишондод ба 20 шаҳрванд расида буд.
23 июни 2016, 13:21
Рақамҳо дар видеоконфронс, ки дар Хадамоти федеролии муҳоҷирати Русия дар Карелия баргузор гардид, пешниҳод шуданд.
Дар ин конфронс коршиносон аз Тоҷикистон низ ширкат варзиданд. Зимни баргузории нишаст барномаи кӯчонидани ихтиёрии шаҳрвандони хориҷи кишвар ба Федератсияи Русия пешниҳод гардид.
Барнома бо талаботи муайян ва кафолатҳои иҷтимоии барои довталабон пешниҳод шудааст (манзили зист, кӯмакпулӣ, дарёфти ҷои кор).
Аксар маврид шаҳрвандони Тоҷикистон баъди кӯч бастан ба Карелия, ба ҳайси ронанда, ошпаз, кафшергари газ, корманди соҳаи барқ кор мекунанд.
