ДУШАНБЕ, 19 май — Sputnik. Раисҷумҳури Фаронса Олланд изҳор дошт, ки ҳавопаймои ширкати EgyptAir, ки аз Порис ба Қоҳира парвоз мекард, суқут намуд, иттилоъ медиҳад РИА Новости.
Дар бастагӣ бо ҳодисаи ҳавопаймо президенти Фаронса баромад намуда, изҳор дошт, ки ҳавопаймо дар баҳри Миёназамин суқут кардааст ва изҳори боварӣ кард, ки сабаби суқут бо истифода аз пораҳои ҳавопаймо муайян карда шавад.
Ҳавопаймои мусофиркаши ширкати EgyptAir, ки аз Порис ба Қоҳир тариқи хатсайри MS804 апарвоз мекард, субҳи рӯзи панҷшанбе аз хатти назоратӣ берун шуда, дар фазои баҳри Миёназамин ғайб зад. Дар дохили ҳавопаймо 66 мусофир қарор доштанд.
Ҳавопаймо аз фурӯдгоҳи "Шарл-де-Гол" соати 23.09 бо вақти Порис (2.09 ба вақти Душанбе) парвоз намуда бояд соати 3.15 бо вақти Қоҳира (6.15 бо вақти душанбе) фурӯд меомад. Ҳавопаймо аз хатти назоратӣ соати 2.30 бовақти Қоҳира (5.30 бо вақти Душанбе) ғайб зад. Амалиётҳои ҷустуҷӯӣ аз ҷониби авиатсияи Миср ва Юнон идома доранд.
Чуноне шабакаи "Маядин" дар саҳифаи Twitter бо истинод ба сарчашма аз ширкати Egyptair хабар медиҳад, ҳавопаймо ба баҳри Миёназамин афтодааст.
