ДУШАНБЕ, 24 апр — Sputnik. Зимни вохӯриҳо вакилон ба интихобкунандагон дар бораи тағйироту иловаҳои пешниҳодшуда ба Конститутсияи ҶТ ва зарурати қабули онҳо маълумот медиҳанд, иттилоъ медиҳад, сухангӯи палатаи поёнии парлумони ҷумҳурӣ Муҳаммадато Султонов.
Дар ҷараёни сафар вакилон бо вазъи иқтисодиву иҷтимоии аҳолӣ, мушкилоти рӯзмарраи сокинони имнтақаҳои гуногун аз наздик ошно гардида, онҳоро аз фаъолияти парлумон ва ҷараёни амалисозии барномаҳои пешазинтихобтии худ огоҳ месозанд.
Вакилони парлумон ҳамчунин шаҳрвандони кишварро ба иштироки фаъолона дар маъракаи раъйпурсии умумихалқии санаи 22 май оид ба ворид намудани тағйироту иловаҳо ба Конститутсияи ҷумҳурӣ даъват хоҳанд кард.
Ёдовар мешавем, ки қаблан вакилони палатаи поёнии парлумон аз 16 то 26 феврал бо интихобкунандагони худ дар минтакаҳо вохӯрда, ба онҳо мазмуну муҳтавои тағйироту иловаҳои пешниҳодшуда ба Конститутсияро шарҳ дода буданд
