ДУШАНБЕ, 9 фев — Sputnik. Бар асари бархӯрди ду қатор дар наздикии шаҳри Бад-Айблинг, воқеъ дар Баварияи Олмон ҳашт тан ба ҳалокат расида, 150 кас захм бардоштааст, иттилоъ медиҳанд намояндагони ВАО бо истинод ба пулиси Федеролии ҶФО.
Пулиси Олмон фавтидани чандин танро тасдиқ кардааст, аммо дар бораи шумори дақиқи онҳо маълумот надодааст. Тибқи маълумоти пешакӣ, ҳудуди 10 нафар ҷароҳатҳои вазнин бардоштаанд.
Breaking: Photos Emerge From Site Of Deadly Train Colission In Germany. pic.twitter.com/tzRsDIdLoO
— Breaking911 (@Breaking911) 9 февраля 2016
Бархӯрди ду қатор соати 6:48 бо вақти маҳаллӣ сурат гирифта, аснои он чанд вагон аз роҳ берун шудааст.
Ба ҷои ҳодисаи наҷотдиҳандагон, кормандони хадамоти сӯхторнишонӣ, табибони ёрии таъҷилӣ аз минтақаҳои ҳамсоя ҳозир шудаанд. Ҳашт чархбол низ барои кӯмак ба маҳалли ҳодиса ҳозир шудаанд.
