ДУШАНБЕ, 14 дек — Sputnik. Нооромӣ дар Ховари Миёна, давлатҳои Африка ва Афғонистон хатари паҳншавии тероризмро ба Русия ва дигар манотиқ дар пай доранд, гуфт сардори Сарситоди НМ ФР генерали артиш Валерий Герасимов.
Ба қавли вай, дар ҳоли ҳозир зарурати тақвияти ҳамкориҳои кишварҳо дар умури ҷилавгирӣ аз терроризм ба вуҷуд омада, бояд ҳамбастагиву иттиҳод ҳар чӣ бештар миёни ҷомеъаи ҷаҳонӣ аз сар гирифта шавад.
"Ноором кардани вазъ дар Ховари Миёна, кишварҳои африқоӣ ва Афғонистон хатари ношӣ барои Русия ва дигар манотиқи ҷаҳониро дар пай доранд",- изҳор кард Герасимов аснои мулоқот бо намояндагони низомии сафоратхонаҳои муқими Маскав.
Ӯ қайд кард, ки маҳз ба ҳамин сабаб Русия амалиёти низомиро тавассути неруҳои ҳавоӣ алайҳи "Давлати исломӣ" дар қаламрави Сурия оғоз намуд.
