ДУШАНБЕ, 26 окт — Sputnik. Рӯзи шанбеи гузашта аз чойхонаи деҳаи Панҷрӯд ҷасади беҷони як мард дарёфт гардид, иттилоъ медиҳад дафтари матбуотии ВКД.
"Соати 08:00 дақиқаи рӯзи 24-уми октябр аз дохили бинои чойхонаи деҳаи Панҷруди шаҳри Панҷакент, ҷасади марди 53-солаи сокини ҳамин шаҳр, бо аломатҳои марги маҷбурӣ дарёфт карда шуд",- меафзояд манбаъ.
Аснои баргузории амалиёти оперативӣ-ҷустуҷӯӣ аз ҷониби кормандони милитсия марди 29-солаи сокини шаҳри Панҷакент ҳамчун гумонбар дар ҷиноятӣ куштор дастгир гардид. Муайян карда шуд, ки номбурда ҷиноятро дар ҳолати мастӣ ва муноқишаи ба миён омада, содир намудааст.
"Далели шайъӣ- корд низ гирифта шудааст",- илова мекунад сарчашма.
Аз рӯи ин ҳодиса парвандаи ҷиноятӣ оғоз гардида, тафтишот идома дорад.
