ДУШАНБЕ, 24 авг — Sputnik. Дар соли ҷорӣ ҳудуди чаҳор ҳазор нафар ба синфи аввали макотиби ноҳияи Бобоҷон Ғафуров мераванд, менависад хабаргузории "Авеста".
Дар маҷӯъ дар 89 мактаби ин ноҳияи беш аз 13 ҳазор нафар хонандагон бо таҳсил фаро гирифта шудаанд.
Ба иттилоъи масъулон дар ноҳия як мактаб ба забони русӣ ва макотиби дигар бо чанд забон таҳсилро роҳандозӣ кардаанд.
Ҳоло қариб ҳамаи мактабҳо ва боғчаҳои кӯдакона ба фасли тирамоҳу зимистони соли ҷорӣ омода шудаанд, зикр карданд дар ниҳод.
Ҳамчунин хабар дода шуд, ки беш аз 89% хонандагон бо либоси яксони таълимӣ таъмин шудаанд.
