ДУШАНБЕ, 10 авг — Sputnik. Ҳудуди 58 ҳазор сомонӣ ($9 ҳазор) ҷаримаро ронандаи мошини Toyota Sequoia Абдуҳалим Қодиров пардохт кардааст, ки дар тӯли 14 моҳ ба 238 мавриди нақзи қавоиди роҳ муртакиб шудааст, хабар медиҳад сомонаи ВКД.
Ин ронанда аз моҳи ноябри соли 2013 то моҳи январи соли равон 238 маротиба қоидаҳаои ҳаракати роҳро вайрон кардааст.
Ин ҳолот аз сӯйи Маркази танзими ҳаракати роҳи "Шаҳри бехатар" сабт шудаанд. Аксҳои мавориди нақзи қавоид ва санади ҷаримаи маъмурӣ ба соҳиби воситаи нақлиёт барои пардохт пешниҳод шудаанд.
Қодиров 57 ҳазору 980 сомонӣ ($9 ҳазор) пардохт кард.
Худи мошини Toyota Sequoia аз 12 ҳазор (дасти дуввум) то 100 ҳазор доллар (ҷадид) қиммат дорад.
То ҳол пешсафи пардохти ҷаримаҳоро ронандаи Porsche дониста мешуд, ки барои 186 мавриди нақзи қавоид 7 ҳазор доллар пардохт карда буд.
