ДУШАНБЕ, 8 июл — Sputnik. Дар ноҳияи Бобоҷон Ғафуров марди 49-солаи сокини ин минтақа бо гумони даст доштан дар қочоқи нашъа боздошт гардид, менависад сомонаи ВКД ҶТ.
"Дар вақти кофтукови шахсӣ аз гумонбаршуда 10 килою 280 грамм маводи нашъадори ҳашиш дарёфт ва мусодира карда шуд",-омадаст дар хабари сарчашма.
Манбаъ меафзояд, рӯзи гузаштаи 7 июл кормандони милитсия дар дидбонгоҳи воқеъ дар деҳаи Зиғари ноҳияи Дарвоз нақлиёти «Тойота-Ландкрузер»-ро манъ карданд."Ҳангоми кофтукови шахсӣ аз дохили кисаи шими мусофири автомашинаи мазкур, марди 29-солаи сокини ноҳияи Шуғнон 965 грамм маводи нашъадори сахттаъсири ҳероин дарёфт ва мусодира карда шуд".
Нисбати ҳар ду далел парвандаи ҷиноӣ боз гардида, тафтишот идома дорад.
