ДУШАНБЕ, 25 май — Sputnik. Миср ва Анҷумани кишварҳои арабӣ алаккай намояндагони худро ба ҳамоиши Душанбе барои натоиҷи даҳсолаи Байналмиллалии "Об барои ҳаёт" эъзом кардаанд, менависад хабаргузории "Ховар".
Ҳамоиши оби сатҳи баланд 9-11 июн баргузор мешавад.
Ҳай]ати Миссро дар ин ҳамоиш вазири захойири об ва обёрӣ Хусам Муназӣ раҳбарӣ мекунад, зикр кардааст хабаргузорӣ. Мудирияти Анҷумани кишварҳои арабиро мудири Маркази пажӯҳишии масоили об ва амнияти оби арабӣ Шуҳра Қасиа намояндагӣ мекунад.
Дар ҳамин ҳол? Душанбе ба нахуствазири Покистон Навоз Шариф низ барои ширкат дар ин ҳамоиш даъватнома ирсол кардааст, менависад CA-News.
"Умедворам ки вай низ дар ин ҳамоиш ширкат мекунад", — гуфтааст сафири Тоҷикистон дар Покистон Шералӣ Ҷононов дар нишасти хабарӣ дар Исломобод.
То ҳол беш аз 70 кишвар бо нахуствазирон ва вузарои зирабт ва 50 созмонҳои байналмиллалӣ ва минтақавӣ ширкати худ дар ин ҳамоишро таъйид кардаанд.
Ин ҳамоишро раиси ҷумҳур Эмомалӣ Раҳмон ва дабири кулли СММ Пан Ги Мун ифтитоҳ мекунанд.
