Боздошти як сокини Душанбе бо 4 кило ҳероин

© Sputnik / Владимир ВяткинБоздошт. Акс аз бойгонӣ
Боздошт. Акс аз бойгонӣ - Sputnik Тоҷикистон
Обуна шудан
Аснои баргузории як амалиёти вижаи кормандони мақомоти ҳифзи ҳуқуқ дар ноҳияи Синои пойтахти кишвар аз мошини ҷавони 22-сола маводи мухаддир дарёфту мусодира шуд.

ДУШАНБЕ, 14 май — Sputnik. Кормандони милисаи шаҳри Душанбе сокини пойтахтро бо иттиҳоми даст доштан дар қочоқи ҳероин дар ҳаҷми 4 кило боздошт кардаанд, иттилоъ медиҳад сомонаи Вазорати умури дохила.

Маводи мухаддир дар дохили нақлиёти шахсии ин ҷавон ошкору мусодира гардидааст.

"Ҳангоми тафтиши мошини тамғаи "Опел-Астра" 3 килову 940 грамм маводи сахттаъсири ҳероин дарёфт шуд",- омадааст дар иттилоъи мазкур.

Оиди ин далел парвандаи ҷиноӣ ифтитоҳ гардида, тафтишот идома дорад.

Лентаи хабарҳо
0