ДУШАНБЕ, 14 май — Sputnik. Панҷ нафар зимни ҳамлаи ҷангҷӯён ба меҳмонхонаи Park Palace дар Кобул, ки шоми рӯзи чаҳоршанбе рух дод ва ин меҳмонхона миёни атбоъи хориҷӣ маҳбубият дорад, кушта шуданд, менависад Khaama Press.
Дар миёни кушташудагон ва шаш нафар захмиҳо атбоъи Амрико, Ҳинд ва Афғонистон ҳастанд.
Амалиёти маҳви се нафар ҷангҷӯ ва наҷоти гаравгонон панҷ соат идома дошт. Ниҳодҳои интизомӣ ба гуфтаи раиси пулиси Кобул Абдул Раҳмон Раҳимӣ 54 нафарро наҷот додаанд.
То ҳол ҳеҷ яке аз гурӯҳҳои фаъол дар минтақа масъулияти ин ҳодисаро бар зимма нагирифтаанд.
