ДУШАНБЕ, 11 май — Sputnik. Сокини 21 солаи шаҳри Душанбе дар остонаи таҷлил аз Рӯзи Пирӯзӣ ба иттиҳоми қочоқи маводди химиявии махсусан зарарнок боздошт шудааст, хабар медиҳад ВКД ҶТ.
Аз боздоштшуда ба иттилоъи ин вазоратхона, ки донишҷӯйи бахши севвуми яке аз донишгоҳҳои пойтахт мебошад, зимни кофтукоби шахсӣ як зарфи пластикӣ бо моеъи ранги фузулотӣ пайдо ва мусодира шудааст.
"Ташхис собит кард, ки маводди мусодирашуда симоб мебошад. Вазни умумии ин маводди химиявӣ 486,2 грамм аст", — омадааст дар хабари вазоратхона.
Дар ин робита парвандаи ҷиноӣ боз шуда ва таҳқиқи он идома дорад.
