Собиқ фармондеҳи аршади неруҳои эътилофии НАТО дар Аврупо гуфт, Амрико бояд ба Украина кӯмаки низомӣ кунад, аммо аз ирсоли неруҳо дар ҳоли ҳозир худдорӣ намояд. Зимнан, ин афсари баландрутба иброз дошт, ки "ин кӯмак аллакай омода шудааст", вале баъдтар ҳарфашро ислоҳ намуда гуфт, ин барнома "аз ҷониби конгресси ИМА тасдиқ шуд".
"Мо бояд кӯмакро бо шумули неруҳои низомӣ барои ироаи он тайёр намоем ва бо ин васила ба Путин ҳушдор бидиҳем, ки: агар шумо бори дигар ба Украина юриш кунед, ҳамон лаҳза мо низомиёнро ба Киев мерасонем",- гуфт Кларк аснои суханронӣ дар Шӯрои Атлантика дар Вашингтон.
