ДУШАНБЕ, 17 мар — Sputnik. Ҷузъу томҳои нерӯҳои дарёи Шимолӣ (неруҳои баҳрӣ) дар пайи назорати ногаҳонӣ ба ошкорсозии киштиҳои зериобӣ дар масирҳои истифодаи нерӯҳои худ оғоз карданд, хабар медиҳад РИА Новости.
"Бо гирифтани дастур аз фурӯдгоҳҳо нерӯҳои ҳавоии навбатдори зиддикиштиҳои дарёи Шимолӣ парвоз карданд. Мутахассисони ниҳодҳои фаннии заминӣ парвози васоили фаннии давраи дуввумро омода месозанд", — омадааст дар хабар.
Нахуст барои ошкор сохтани душмани шартӣ ҳавопаймоҳои зиддикиштии ИЛ-38 ва чархболҳои Ка-27 парвоз карданд. Халабонҳо маҳорати худ дар истифодаи таҷҳизот барои ошкорсозӣ ва маҳви нишонҳои шартӣ нишон медиҳанд. Ҳамчунин ҳавопаймоҳои Ил-38 умури иктишофии фазо дар дарёи Барентсоворо анҷом медиҳанд, таъкид мекунад вазорати дифоъ.
Дар хабар зикр мешавад, ки халабонҳои ҳавопаймоҳои низомиву борбар, ки ба гурӯҳи дуввум шомил ҳастанд, барои парвоз ба ҷазоири уқёнуси Яхбастаи Шимолӣ бо колоҳо барои таъминоти гурӯҳҳои нерӯҳои дарёи Шимолӣ омода ҳастанд.
Нерӯҳои мусаллаҳи Русия рӯзи душанбе назорати густурдаи омодагии нерӯҳои шимолии худ барои анҷоми амалиёти низомӣ дар шароити Арктикаро оғоз карданд. Назорати ногаҳонӣ, ки дар он даҳҳо ҳазор нафар низомиён шомиланд, дар баҳр, замин ва фазо анҷом мешавад. Ҳадафи он — "бозӣ бо мушакҳо" нест, ки маъмулан расонаҳои ғарбӣ чунин менависанд, балки беҳбуди наҳваҳои раҳбарии нерӯҳои мусаллаҳи Русия мебошад, зикр карданд дар вазорати дифоъ.
Ба гуфтаи сухангӯйи раиси ҷумҳури Русия Дмитрий Песков, ин "раванди доимӣ мебошад".
