Истифода аз "маънавиёт" дар таблиғоти пешазинтихоботии ҲХДТ

© Sputnik / Амир ИсаевВарақаҳои таблиғии ҲХДТ. Феврали 2015
Варақаҳои таблиғии ҲХДТ. Феврали 2015 - Sputnik Тоҷикистон
Обуна шудан
Баргаҳои таблиғии ҲХДТ аз интихобкунандагон даъват мекунад, то дар баробари рақами 8, ки натанҳо рамзи “бахту иқбол”, балки рамзи “8 табақаи ҷаннат ва фалсафаи диннӣ” аст, хат бикашанд.

ДУШАНБЕ, 18 фев — Sputnik. Ҳизби халқии демократии Тоҷикистон аҳамияти рақами 8-ро, ки ин ҳизб дар баргаҳои интихобот бо ин рақам сабт шудааст, аз нигоҳи дин, ситорашиносӣ ва фалсафа маънидод кардааст, менависад оҷонсии "Озодагон".

Варақаи таблиғии ҲХДТ даъват мекунад, ки ба ин ҳизб раъй бидиҳед.

Раиси КМИР: навори “ҷангу сулҳ”-и ҲНИТ хилофи қонун аст

"Зеро дар ҳамаи динҳои ҷаҳонӣ рақами 8 — ин рамзи некӣ ва накукорӣ, барои мусалмонҳо — ҳашт табақаи биҳишт, "арши аъло" ва фаришта аст", — мегӯянд мубаллиғин.

Дар фалсафа, навишта шудааст дар варақаҳо, "ҳашт" — рамзи муваффақият, бахт, иқбол ва рушд аст.

"Дар ситорашиносӣ "8"-ро бо Зуҳул рабт медиҳанд, ки рамзи бахту иқбол аст", — омадааст дар варақа.

Бо интихоби рақами 8 моро ояндаи нек ва рушан интизор аст, шарҳ медиҳанд муаллифин.

ҲХДТ дар ҳоле аз маънавият ва ситорашиносӣ истифода мекунад, ки қонун дар бораи интихобот истифодаи равишҳои таъсиррасонии равонӣ ва маънавиро манъ кардааст.

Дар ин маврид ба вижа зимни суханронии худ ҳафтаи гузашта Шермуҳаммади Шоҳиён, раиси КМИРТ тариқи телевизион изҳори назар карда буд ва даъват кард, ки қонунгузорӣ комилан риоя шавад.

Лентаи хабарҳо
0