ДУШАНБЕ, 4 фев — Sputnik. Беш аз 8 кило афюн дар манзили истиқоматии сокини 55-солаи Ҳисор дарёфт шуд, иттилоъ медиҳад ВКД.
Рӯзи 3-юми феврал бо иттиҳоми даст доштан дар қочоқи маводи мухаддир Ислом Юсуфов, сокини ноҳияи Ҳисор боздошт гардидааст, иттилоъ медиҳад манбаъ.
"Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия шаҳрванд Юсуфов Ислом соли таваллудаш 1960, сокини ноҳияи Ҳисор, ҳамчун гумонбар дар гардиши ғайриқонунии маводи мухаддир дастгир гардид. Дар вақти азназаргузаронии хонаи истиқоматии дастгиршуда 8 килою 660 грамм маводи нашъадори "афюн" дарёфт ва мусодира карда шуд",- менависад сарчашма.
Нисбати далели мазкур парвандаи ҷиноятӣ оғоз гардида, тафтишот идома дорад.
