ДУШАНБЕ, 23 янв — Sputnik. Эмомалӣ Раҳмон, раиси ҷумҳури Тоҷикистон имрӯз, 23-уми январ аз соати 10 то 12 пайёми худро ба порлумони кишвар ироа мекунад, хабар додааст РИА Новости.
Дар ин ҷаласа аъзои ҳар ду маҷлиси порлумони Тоҷикистон, аъзои ҳукумат, раисоони вилоятҳо ва навоҳии кишвар ширкат мекунанд.
Маъмулан раҳбари кишвар дар пайёми худ роҳҳои аслии сиёсати хориҷӣ ва дохилӣ, рушди иҷтимоӣ-иқтисодиро барои як сол мушшахас мекунад.
Маросими ироаи пайём тавассути ҳамаи шабакаҳои телевизионӣ пахш шуда онро бояд куллияи кормандони давлатӣ тамошо кунанд. Аз соати 10 то 12 дар кишвар реҷаи барқ лағв мешавад, то сокинон тавонанд суханронии раиси ҷумҳурро мустақиман тамошо кунанд.
Баъд аз анҷоми ироаи пайём ҷаласаи васеи ҳукумати кишвар баргузор мешавад, ки дар он натоиҷи соли 2014 ва дурнамои барои соли 2015 баррасӣ мешаванд.
Пайёми раиси ҷумҳур яке аз ҳаводиси муҳими сиёсӣ дар Тоҷикистон аст.
Маъмулан ҷаласа дар моҳи апрел баргузор мешуд, вале бо дарназардошти ин нукта, ки оғози соли ҷадиди молӣ аз апрел ба январ гузаронида шуд, замони ироаи пайём низ тағйир ёфт.
