ДУШАНБЕ, 30 дек — Sputnik. Як шаҳрванди Ӯзбакистон, ки мехост бо шиносномаи қалбакии шаҳрванди Ӯзбакистон ба ҳавйопаймои Минск- Истамбул савор шавад, рӯзи 29 декабр дар фурудгоҳи миллии "Минск"-и пойтахти Беларус дастгир шудааст, хабар медиҳад Радиои Озодӣ.
Мақомоти Беларус мегӯянд, ин нафар ҳангоми сабти ном асноди шаҳрванди Тоҷикистонро нишон додааст, вале ҳангоми тафтиш маълум шуд, ки дар ин шиноснома аксашро иваз кардаанд.
Дафтари матбуоти Кумитаи марзбонии Беларус мегӯяд, тафтишоти баъдӣ маълум кард, ки ин нафар 31 сол дошта, дар асл шаҳрванди Ӯзбакистон аст ва аз моҳи июни соли 2013 бо иттиҳоми ташкили гурӯҳи ҷиноӣ ва терроризм таҳти ҷустуҷӯи байналмилалӣ қарор дорад.
Исми боздоштшуда ҳанӯз эълон нашудааст. Маълум нест, ки ӯ шиносномаи шаҳрванди Тоҷикистонро кай, аз куҷо ва бо чӣ роҳе дастрас кардааст.
