ДУШАНБЕ, 17 дек — Sputnik. Думаи давлатӣ пас аз баррасӣ дар хониши сеюм, қонунеро ба тасвиб расонд, ки бар тибқи он шаҳрвандони хориҷӣ барои нақзи реҷаи муҳоҷират то 10 соли дигар наметавонанд вориди Русия шаванд, иттилоъ м едиҳад РИА Новости.
Баъди чанд ҳодисаи пурсарусадо бо ширкати хориҷиён, Русия чунин қонунро ба тасвиб расонидааст. Аз ҷумла “формати шенгенӣ” барои муҳоҷирони бе раводид (на бештар аз се моҳ дар ним сол) ҷорӣ гардид. Қаблан, ин қабил муҳоҷирон ба таври мадиду бемӯҳлат дар Русия ба сар мебурданд, зеро қонунгузорӣ талаб мекард, ки дар се моҳ шаҳрвандони хориҷӣ марзи Русияро убур кунанд. Нақзи реҷаи нав ихроҷи хориҷиёнро барои се сол аз қаламрави Русия пешбинӣ мекунад.
Афроде, ки бештар аз шаш моҳ бе санади зарурӣ дар Русия ба сар бурдаанд, ба мӯҳлати панҷ ва онҳое, ки аз нӯҳ моҳ ғайриқонунӣ бештар дар Русия будаанд, ба муддати 10 сол хориҷ карда мешаванд.
