ДУШАНБЕ, 15 дек — Sputnik. Тайи чанд соли ахир беш аз 1,2 миллион хориҷиёне, ки дар қаламрави Русия қонуншиканӣ кардаанд, иҷозаи вуруд ба ФР-ро аз даст додаанд, гуфт Константин Ромодановский, сардори Хадамоти федералии муҳоҷират.
Ба қавли ӯ, дар Русия ҳоло низоми худкори манъи вуруди хориҷиёне, ки тайи як сол қавонини буду бош дар он кишварро нақз мекунанд, амал менамояд.
"Шурӯъ аз аввали ҷорӣ гардидани ин муқаррарот, ки ҳоло ду сол ҳам аз он нагузаштааст, беш аз 1, 2 миллион хориҷӣ аз ҳаққи вуруд ба Русия маҳрум шудаанд",- гуфт вай аснои суханронӣ дар ҷаласаи СҲШ (Созмони ҳамкории Шанхай) оид ба масоили муҳоҷирати глобалӣ.
