Дар дафтари ОИБ "Россия сегодня" (Русияи имрӯз) дар Маскав муаррифии бузургтарин бренди иттилоотӣ — Sputnik баргузор шуд. Дар наздиктарин фурсат дар чандин кишвари дигар низ бренди мазкур муаррифӣ мегардад.
Дмитрий Киселёв, мудири кулли корхонаи воҳиди давлатии федеролии Русия "Оҷонсии байналмилалии иттилоотии Россия сегодня" лоиҳаи тарҳи мазкурро ҳусни оғоз бахшид.
Ҳайати эҷодии Sputnik дар чандин кишвар сомонаҳои худро роҳандозӣ карда, рӯйи амвоҷи маҳаллӣ бо кормандони таҳҷоӣ ба кор шурӯъ менамоянд. Тибқи нақшаи қаблан тарҳрезишуда дар соли 2015 миқдори пахши барномаҳои радиоии “Голос Россия” (Садои Русия) дар як шабонарӯз ба 800 соат расида, он дар 34 давлат ва 130 шаҳри ҷаҳон бо 30 забон барнома пахш хоҳад кард, иброз медорад Дмитрий Киселёв.
Маргарита Симонян, сармуҳаррири ОИБ "Русияи имрӯз" гуфт, ҷолиб аст вақте барнома ва иттилоъ на аз Маскав, балки аз маҳалли зисти сомеъон пахшу нашр мешавад ва дар барномаҳои зинда сокинони худи ҳамон минтақа ширкат меварзанд.
Бархе аз кишварҳо ҳастанд, ки манофеъи худро болои ҳам Ғарб ва ҳам Шарқ бор кардан мехоҳанд. Ба ҳар куҷо ва ҳар кишваре, ки онҳо дахл карданд, он ҷо хунрезӣ ва низоъи шаҳрвандӣ бархост, инуилобҳои ранга ба вуқӯъ пайваст. Ҳатто ба баъзе кишварҳо хатари нобудӣ таҳдид мекунад.Ироқ, Либиё,Гурҷистон,Сурия...Бисёриҳо аллакай дарк кардаанд, ки на ҳама вақт аз амрикоиҳо пайравӣ кардан манфиат дорад. Русия барои ҷаҳон тарҳи сулҳу оромӣ пешниҳод мекунад.Мо ҷонибдори ҷаҳони серқутба ва манфиатовар барои инсонҳоем, мегӯяд Дмитрий Киселёв.
Ҳайати эҷодии Sputnik дар чандин кишвар сомонаҳои худро роҳандозӣ карда, рӯйи амвоҷи маҳаллӣ бо кормандони таҳҷоӣ ба кор шурӯъ менамоянд. Тибқи нақшаи қаблан тарҳрезишуда дар соли 2015 миқдори пахши барномаҳои радиоии “Голос Россия” (Садои Русия) дар як шабонарӯз ба 800 соат расида, он дар 34 давлат ва 130 шаҳри ҷаҳон бо 30 забон барнома пахш хоҳад кард.
Дмитрий Киселев, сарвари кулли корхонаи воҳиди давлатии федеролии "Россия сегодня" аснои гуфтугӯи мустақими телевизионӣ (телемост) бо Алексей Ефимов, роҳбари намояндагии "Россия сегодня" дар Чин.
Sputnik бо 30 забон:русӣ, абхозӣ, озарбойҷонӣ,англисӣ,арабӣ,арманӣ, гурҷӣ, дарӣ, испанӣ, қазоқӣ, тоҷикӣ, тоторивуқримӣ,қирғизӣ, чинӣ, курдӣ,латишӣ,молдавӣ,немисӣ,лаҳистонӣ, португалӣ, пушту, сербӣ, туркӣ, ӯзбакӣ, украинӣ, финӣ, фаронсавӣ, ҳиндӣ,эстонӣ ва ҷопонӣ барномаву иттилоъ пахш мекунад. Теъдоди кормандони намояндагӣ дар ҳар кишвар аз 30 то 80 нафарро ташкил мекунад.
