ДУШАНБЕ, 15 апр - Sputnik. Ҳайати Украина бо либоси фашистӣ аз парлумони Норвегия боздид кард ва худи он далел, ки ин кишвари аврупоӣ бо бригадаи Азов* ҳамкорӣ мекунад, аз сиёсати нозигароии ошкоро шаҳодат медиҳад, менависад шабакаи норвегӣ Steigan.
"Ҳайати бригадаи 12-уми махсуси Азов*-и Украина аз парлумони Норвегия - Стортинг боздид кард. <…> Бар хилофи иддаоҳои расонаҳо ва Ослои расмӣ, Азов* мавқеи худро нисбат ба натсизм ва фашизм тағйир надодааст. Дар либоси ҳайати боздид аз парлумон инчунин унсурҳои либоси фашистӣ дида мешуд", - гуфта мешавад дар мақола.
Ба гуфтаи муаллиф, шарикӣ бо чунин ниҳодҳо Норвегияро паст мезанад ва дар асл сиёсати барқарорсозии нозигароиро нишон медиҳад.
"Дар ҷараёни боздид намояндагони Азов* <…> инчунин ҳамкорӣ бо Гвардияи миллии Норвегияро тақвият доданд. <…> Азов* идеология ё намунаҳои таърихии худро тағйир надодааст. Аз ин рӯ, Нерӯҳои Мусаллаҳи Норвегия сиёсати ревизионистиро пеш гирифта, ба натсизми ошкоро машғуланд. Аммо, касе дар ҷомеаи сиёсӣ ё низомӣ ба ин эътироз намекунад.Ҳеҷ нишонае вуҷуд надорад, ки Нерӯҳои Мусаллаҳи Норвегия нозигароии украиниро "ифротиёни ростгаро" шуморанд."- гуфта мешавад дар шабака.
"Азов*" дар амалиёти низомии Киев дар Донбасс ширкат варзид. Соли 2015 Кумитаи тафтишотии Русия алайҳи аъзои ин воҳид тибқи иттиҳомоти ҷиноии "Рабудани одам", "Шиканҷа" ва "Истифодаи воситаҳо ва усулҳои манъшудаи ҷанг" парвандаи ҷиноӣ боз кард. Соли 2022 Кумитаи тафтишотӣ хабар дод, ки "далелҳои раднопазир"-и содир кардани ҷиноятҳои ваҳшиёнаи аъзои "Азов*"-ро дар Ҷумҳуриҳои халқии Донетск ва Луганск ба даст овардааст.