РӯзҳоиДДРБМ (МГИМО) бори аввал дар Душанбе баргузор мешаванд, ки дар он кормандон ва устодони донишгоҳ ба довталабон дар бораи барномаҳои таълимӣ, талаботи таҳсил ва қабули ҳуҷаттҳо маълумот медиҳанд.
"Донишҷӯён ба муҳити мо хеле хуб мутобиқ мешаванд", - гуфт Елизавета Руденко, роҳбари гурӯҳи байналмилалии таблиғотии донишгоҳ, дар сӯҳбат бо хабарнигори SputnikТоҷикистон.
Сафири Русия дар Тоҷикистон Семён Григорьев дар маросими ифтитоҳ қайд кард, ки Русия ва Тоҷикистон бо пешбурди ҳамкорӣ дар соҳаи маориф ояндаи муштаракро ташаккул медиҳанд.
Вай гуфт, ҳамкорӣ дар соҳаи маориф самти афзалиятноки муносибатҳои байни ду кишвар аст.
Сафир афзуд, ки ДДРБМ, бахусус, таълимро бо забони тоҷикӣ ва забонҳои якчанд кишварҳои дигари ИДМ пешниҳод мекунад. Дар сафорати Русия дар Душанбе тақрибан 30% дипломатҳо забонҳои форсӣ, дарӣ ва тоҷикиро медонанд.
"Сарфи назар аз он, ки аксарияти аҳолии Тоҷикистон ба забони русӣ равон гап мезананд, донистани забони тоҷикӣ хеле муҳим аст, зеро он эҳтироми Русияро ба мардуми бародар ва дӯсти мо нишон медиҳад", - таъкид кард Семён Григорьев.
Видеоро тамошо кунед, то бубинед, ки Донишгоҳи давлатии робитаҳои байналмилалии Маскав дар ним аср чӣ гуна тағйир ёфтааст.