ДУШАНБЕ, 12 фев — Sputnik. Дар соли 2025, Бонки миллии Тоҷикистон сиёсати қурбиро дар реҷаи “шинокунандаи танзимшаванда, бе муайян ва эълон кардани ҳудудҳои тағйирёбии қурб” идома дод.
Дар ин бора Фирдавс Толибзода, раиси Бонки миллии Тоҷикистон, дар нишасти матбуотӣ хабар дод.
Ба гуфтаи вай, қурби расмии сомонӣ нисбат ба доллари ИМА дар соли ҳисоботӣ 15,4% устувор шуд.
“Бо назардошти вазъи иқтисодии ҷаҳонӣ, қурби расмии асъори миллии аксари шарикони асосии тиҷоратии Тоҷикистон низ нисбат ба доллар тағйир ёфт”, - гуфт Толибзода.
Ба гуфтаи раиси Бонки миллӣ рубли русӣ нисбат ба доллар 23,07%, Суми узбекӣ 6,93% ва юани чинӣ 2,22% устувор гардид.
Айни замон, арзиши лираи туркӣ нисбат ба доллар 21,49% ва соми қирғизӣ 0,48% коҳиш ёфт.