ДУШАНБЕ, 13 ноя - Sputnik. Раҳбари Кохи Сафед Доналд Трамп нишасти Русия ва ИМА-ро дар Будапешт бинобар гузоришҳои пинҳонӣ ба таъхир андохт.
Дар ин бора, вазири корҳои хориҷӣ Сергей Лавров дар мақолае, ки дар вебсайти вазорат нашр шудааст, изҳори назар кардааст.
Рӯзномаи итолиёвии Corriere della Sera бо вазир мусоҳиба кард, аммо аз нашри ҷавобҳои ӯ бе сензура ё ихтисор худдорӣ намуд. Вазорати корҳои хориҷӣ нусхаи пурраи сӯҳбатро пешниҳод кардааст.
"Гузоришҳои пинҳонӣ ба раҳбари Амрико аз куҷо ва аз кӣ расидаанд, ки баъд аз он ӯ нишасти Будапештро ба таъхир андохт ё бекор кард, номаълум аст", - таъкид кард Лавров.
Вазири корҳои хориҷӣ тасдиқ кард, ки Маскав омода аст, ки нишасти худро дар Маҷористон баргузор кунад, агар омодагӣ ба натиҷаҳои музокироти қаблӣ асос ёбад.
Ӯ афзуд, ки нишасти мазкур танҳо бо рӯзномаи бодиққат таҳияшуда баргузор мешавад.
Рӯзи 16 октябр президентҳои Русия ва ИМА Владимир Путин ва Доналд Трамп аз аввали сол ҳаштумин сӯҳбати телефонии худро анҷом доданд. Пас аз сӯҳбат, Маскав ва Вашингтон омодагиро барои нишаст дар Будапешт оғоз карданд.
Трамп баъдтар эълон кард, ки музокирот бекеор карда шуд.
Путин, аз ҷониби худ, гуфт, ки эҳтимол дорад, ки мулоқот ба таъхир гузошта шавад. Кремл ва Кохи Сафед имкони мулоқоти роҳбаронро дар оянда истисно накарданд.