ДУШАНБЕ, 12 апр — Sputnik. Дасти мунтахаби наврасони то 17 - солаи Тоҷикистон ба даври чорякниҳоии Ҷоми Осиё - 2025 роҳ ёфт.
Ба иттилои Федератсияи футболи Тоҷикистон дастаи мо дар даври ниҳоии марҳилаи гурӯҳии Ҷоми Осиё-2025 дар гурӯҳи "D" бо ҳисоби 3 бар 1 бар тими Эрон ғалаба кард.
Манбаъ тавзеҳ дод, ки ин ғалаба ба тими Тоҷикистон имкон дод, ки дар гурӯҳ мақоми якумро ишғол карда, роҳхати Ҷоми ҷаҳон-2025-ро, ки моҳи ноябр дар Қатар баргузор мешавад, ба даст орад.
Ба ин тартиб, дастаи мунтахаби наврасони Тоҷикистон бори сеюм дар таърихи худ ба қисми ниҳоии мусобиқоти Ҷоми ҷаҳон ҷаҳон роҳ ёфт.
Қаблан наврасони тоҷик дар ҷомҳои ҷаҳон дар Кореяи Ҷанубӣ (2007) ва Бразилия (2019) иштирок карда буданд.