ДУШАНБЕ, 14 июн — Sputnik. Нархи рубл дар Тоҷикистон дар охири ҳафта арзон шуду қимати доллари амрикоӣ ва евро майли гаронӣ дорад, иттилоъ дод Бонки миллии кишвар.
Ба иттилои манбаъ, ҳазор рубли Русия дар Тоҷикистон 119,5 сомонӣ нарх дорад, ки нисбат ба нишондоди рӯзи қаблӣ 0,8 сомонӣ камтар аст.
Ин ниҳод афзуд, ки нархи доллари амрикоӣ майли болоравӣ дошта, дар сатҳи 10.7669 сомонӣ қарор гирифтаст. Пули аврупоӣ низ гарон шуда, феълан 1 евро – 11,6045 сомонӣ қимат дорад.
Қурби миёнаи фурӯши асъори хориҷии нақд дар ташкилоти қарзии Тоҷикистон барои як доллари ИМА аз 10.7669 то 10.8000 сомонӣ, 1 евро аз 11. 6045 то 11.6600 сомонӣ ва ҳазор рубли русӣ аз 119,5 то 120,5 сомонӣ муқаррар шудаст.
Рубл дар Тоҷикистон яке аз сертаваҷҷуҳтарин асъор ба шумор меравад ва қимати он ба пул дар кисаи аҳолии кишвар таъсири бевосита дорад.
Аз ҷумла садҳо ҳазор тоҷикистонӣ дар Русия кор мекунанд ва маблағро бо рубл мегиранду мефиристанд, аммо хонаводаҳояшон вобаста ба қурб онро бо сомонӣ мегиранд.
Дар ҳамин ҳол БМТ ҳушдор додаст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Таъкид шудаст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, ҷавобгарии маъмурӣ ва ҷиноятӣ дар пай дорад.