ДУШАНБЕ, 13 июн — Sputnik. Раиси Созмони ҳавошиносии Эрон Саҳари Тоҷбахши Мусулмон дар боздиди узви кабинаи давлати Тоҷикистон ва теъдоде аз аъзои Кумитаи давлатии идораи замин аз зарфиятҳо ва тавонмандиҳои Созмони ҳавошиносии Эрон таъкид кард.
Вай дар ин дидор гуфт Созмони ҳавошиносии Эрон зарфиятҳо ва тавонмандиҳои қобили таваҷҷуҳе дар ҳавзаҳои фанне, муҳандисии таҷҳизот, тавлиди нармафзорҳои ҳавошиносӣ ва маҳсулоти корбурдӣ ва омӯзишҳои тахассусӣ дар ихтиёр дорад, ки омодааст то дар ин заминаҳо бо кишвари Тоҷикистон ҳамкорӣ кунад.
Оқои Тоҷбахши Мусалмон афзуд, бахши зиёде аз Эрон, Тоҷикистон, Афғонистон ва ғайра шоҳиди афзоиши қобили таваҷҷуҳ дамо нисбат ба дарозмуддат будаанд.
Вай тасреҳ кард, ки сатҳи пӯшиши барфи Осиё низ дар соли гузашта тағйироти муҳимме доштааст, ки аз ҷумлаи он метавон ба коҳиши сатҳи пӯшиши барф дар баландиҳои Эрон ва бисёре аз бахшҳои минтақа ишора кард.
Раиси Созмони ҳавошиносии Эрон гуфт, тағйироти иқлим барои Тоҷикистон ба далели доштани пиряхҳои табиӣ, бисёр бо аҳамият аст чаро ки афзоиши дамои ҳаво сабаби об шудани пиряхҳо ва коҳиши масоҳати онҳо мешавад.
Тоҷбахши Мусулмон гуфт, бар асоси гузоришҳои байналмилалӣ 96 дарсад аз хатарҳое, ки мардумро таҳдид мекунад, марбут ба рухдодҳое мисли сел, тӯфон, вазиши бод, хушксолӣ ва ғайра аст.
Дар идома ҳайати Тоҷикистон ибрози умедворӣ кард, ки ҷумҳурӣ дар ояндаи наздик бо Созмони ҳавошиносии Эрон ҳамкории наздикро ба роҳ хоҳад монд.