Ассамблеяи байнипарлумонии ИДМ назорати кӯтоҳмуддат ва дарозмуддати интихоботро дар кишварҳои узви Иттиҳод анҷом медиҳад.
Дар ин бора ба Sputnik Тоҷикистон, намояндаи ваколатдори порлумони Тоҷикистон дар Асаблеяи байнипарлумонии ИДМ Абдухалил Ғафурзода хабар дод.
"Дар аввали моҳи март мо аз маъракаи интихоботии аҳзоби сиёсӣ дар Санкт-Петербург ва дигар минтақаҳо ба назорати ҷараёни интихоботи президентии Русия шурӯъ кардем", - гуфт ӯ.
Ғафурзода тавзеҳ дод, ки нозирон рӯзи 4-ум аст, ки дар Маскав ҳузур доранд ва аз ҷараёни раъйдиҳии электронии фосилавиро назорат мекунанд.
"Имрӯз рӯзи сеюми овоздиҳӣ аст, ки раъйдиҳандагон шахсан пушти сандуқҳои раъй мераванд. Мо марҳилаҳои омодагиҳоро дар ҳавзаҳои интихоботӣ аз назар гузаронидем", - гуфт намояндаи Тоҷикистон.
Номбурда қайд кард, ки раъйдиҳии фосилавӣ, ки дар ҷаҳон бесобиқа аст, дар сатҳи баланд ташкил карда шуд.