ДУШАНБЕ, 25 дек — Sputnik. Рубли русӣ ҳафтаи навро дар Тоҷикистон нисбат ба пули миллӣ бо каме гаронӣ шуруъ кард.
Тибқи нишондоди Бонки миллии Тоҷикистон, ҳоло дар ҷумҳурӣ 1000 рубл 119,2 сомонӣ аст.
Ин дар ҳолест, ки қабл аз рӯзҳои истироҳатӣ 1000 рубл 119 сомонӣ муқаррар шуда буд.
Асъори русӣ сар аз ноябр, пас аз онки Бонки марказии Русия меъёри бозтамвилро боло бурд, каме тақвият ёфта, аз 108 сомонӣ барои 1000 рубл гаронтар мешавад.
Дар баробари рубл евро низ боз гаронтар шудаанд.
Тибқи иттилои Бонки миллӣ дар бозори арз барои як евро 12.0796 сомонӣ медиҳанд. Ин дар ҳолест, ки дар охири ҳафтаи гузашта қурби ҳар евро 12.0767 сомонӣ муқаррар шуда буд.
Дар ҳамин ҳол, қимати пули амрикоӣ камеме коҳиш ёфтааст. Агар ду рӯз қабл бар ивази ҳар доллар 10.9567 сомонӣ медоданд, ҳоло 10.9516 сомонӣ медиҳанд.
Бонки миллии Тоҷикистон ҳамчунин нархи миёнаи харидуфурӯши пулҳои хориҷиро дар ташкилотҳои қарзии кишвар ироа намудаст.
Ба иттилои ин ниҳод, 1 доллари ИМА 10.9516 то 10.9400 сомонӣ, 1 евро аз 12.0796 то 12.2000 сомонӣ ва 1000 рубли русӣ аз 119,2 то 120,5 сомонӣ харидуфурӯш мешавад.
БМТ ҳушдор додаст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Таъкид шудааст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад.