ДУШАНБЕ, 2 ноя — Sputnik. Идеяи Париж дар бораи таъсиси эътилофи мубориза бо Ҳамос бо авҷ гирифтани муқовимати мусаллаҳона дар Ховари Миёна мунҷар мешавад, на ҷилавгирӣ аз он.
Дар ин бора Мария Захарова, сухангӯӣ вазорати умури хориҷии Русия, дар шарҳи пешниҳоди Париж ба РИА "Новости" изҳор дошт.
Рӯзи 24 октябр раисиҷумҳури Фаронса Эммануэл Макрон зимни сафараш ба Исроил дар нишасти хабарии муштарак бо сарвазири Исроил Бенямин Нетаняҳу пешниҳод кард, ки эътилофи байналмилалӣ ва минтақавӣ барои мубориза бо Ҳамос таъсис шавад.
"Ба назар чунин мерасад, ки идеяи фаронсавӣ ва изҳороти ҷангҷӯёнаи як қатор бозигарони дигари байналмиллалӣ, ки бо афзоиши нерӯҳои ғайриминтақавӣ дар ҳузури низомии онҳо дар баҳри Миёназамини Шарқӣ дастгирӣ карда мешаванд, боиси афзоиши минбаъдаи рӯёрӯйии мусаллаҳона дар Ховари Миёна ва дахолати ширкаткунандагони нав дар он мешавад", — гуфт Захарова.
Ба гуфтаи вай, "амалиёти аз ҷиҳати идеологӣ ангезаи Париж аксаран таъсири баръакс доранд ва танҳо ба ноором шудани вазъ дар кишварҳои алоҳида ва тамоми минтақаҳои ҷаҳон оварда мерасонанд."
Захарова қайд кард, ки "агар Фаронса воқеан мехоҳад дар кори оташбас ва қатъи хунрезӣ дар минтақаи низоъ саҳм гузорад, он гоҳ метавонад мавқеъи моро дар мавриди зарурати тамаркуз ба воситаҳои сиёсӣ ва дипломатии ҳалли муноқишаи Фаластину Исроил ва Ховари Миёна дастгирӣ кунад".
"Бинобар ин мо аз исроилиён ва фаластиниҳо даъват мекунем, ки барои баррасии ҳама масъалаҳои баҳсбарангез ба зудӣ музокироти мустақимро оғоз кунанд",ғ гуфт намояндаи расмии Вазорати корҳои хориҷии Русия.
Вай ёдовар шуд, ки “Русия тарафдори таъсиси давлати мустақили Фаластин дар марзҳои соли 1967 бо пойтахти худ дар Байтулмуқаддаси Шарқӣ аст, ки он дар ҳама асноди олии байналмилалӣ расман сабт шудааст.
"Чунин ташаббусҳоро аз Фаронса, баро чӣ бошад, намебинем", - гуфт Захарова.